ჯავშნის წესები

ჯავშანი წინასწარი გადახდის გარეშე

ჯავშნის განაცხადი უფასოა. პლატფორმა სტუმრისგან თანხას არ იღებს და დეპოზიტს არ იკავებს.

ანგარიშსწორება პირდაპირ სტუმარსა და მასპინძელს შორის ხდება: თანხაზე, ვადაზე და წესზე თავად თანხმდებით.

როგორ მუშაობს განაცხადი

• სტუმარი ირჩევს თარიღებს, სტუმრების რაოდენობას და, თუ ობიექტი ოთახებად ქირავდება, ოთახებსა და დამატებით მომსახურებას, ტოვებს სახელს და კონტაქტს და აგზავნის განაცხადს. გამოთვლილი ფასი განაცხადში ფიქსირდება.
• განაცხადი მიდის მასპინძელთან სტატუსით „პასუხის მოლოდინში“.
• მასპინძელი ადასტურებს ან უარყოფს. თუ მასპინძელმა ავტომატური დადასტურება ჩართო, თავისუფალ თარიღებზე განაცხადი მაშინვე დასტურდება. სტუმარი იღებს შეტყობინებას სერვისში და, თუ ელფოსტა დადასტურებულია, წერილს.
• თუ მასპინძლის პირადობა MASPIO-ს მიერ დადასტურებული არ არის, განაცხადამდე ჩანს გაფრთხილება. განაცხადის გაგზავნა შესაძლებელია მხოლოდ მას შემდეგ, რაც სტუმარი დაადასტურებს, რომ წაიკითხა იგი; ეს დადასტურება ინახება განაცხადის ისტორიაში. ტურებზე განაცხადებიც ასევე მუშაობს.
• გასვლის თარიღის შემდეგ დადასტურებული განაცხადი ხდება დასრულებული და სტუმარს შეუძლია შეფასების დატოვება.

დადასტურება

თარიღები დაკავებულად ითვლება მხოლოდ დადასტურების შემდეგ — მასპინძლის ან ავტომატურის. მანამდე იმავე თარიღებზე სხვა სტუმარსაც შეუძლია განაცხადის გაგზავნა.

დადასტურება სერვისში არ ცვლის სტუმრისა და მასპინძლის შეთანხმებას და არ წარმოადგენს პლატფორმის გარანტიას.

თარიღების შეცვლა

სტუმარს შეუძლია ითხოვოს თარიღების გადატანა. მასპინძელი თანხმდება ან უარს ამბობს. თუ ფასი ახალ თარიღებზეა დამოკიდებული, სერვისი აჩვენებს ახალ თანხას და სტუმარი მას ადასტურებს. პასუხამდე ძალაშია ძველი თარიღები.

გაუქმება

გაუქმება შეუძლია როგორც სტუმარს, ისე მასპინძელს. განაცხადის ისტორიაში ინახება, ვინ და როდის გააუქმა.

პლატფორმა გაუქმებისთვის ჯარიმას არ ითვალისწინებს და თანხას არ იკავებს, რადგან ანგარიშსწორებაში არ მონაწილეობს. თუ თანხა უკვე პირდაპირ გადაეცა მასპინძელს, დაბრუნების საკითხი მასთან წყდება.

მიმოწერა ჯავშანზე

თითოეულ ჯავშანს აქვს ცალკე მიმოწერა სტუმარსა და მასპინძელს შორის. ჯავშნამდე შეკითხვები ცალკე დიალოგში იწერება.

კონსულტანტი ნინო პასუხობს ობიექტის შესახებ განცხადების მონაცემებით. თუ პასუხი არ არის, ნინო შემოგთავაზებთ შეკითხვის გაგზავნას მასპინძლისთვის — ეს სტუმრის ცალკე მოქმედებაა.

დაკავებული თარიღები

მასპინძელს შეუძლია ხელით დახუროს თარიღები, თუ სტუმარი სხვა გზით მოვიდა. ასეთი დაბლოკვა ჯავშანი არ არის და განაცხადს არ ქმნის.

სადემონსტრაციო განცხადებები

განცხადებები ნიშნით „სადემონსტრაციო ობიექტი“ არის სერვისის შესამოწმებელი ნიმუშები. ეს არ არის რეალური შეთავაზებები: მათი დაჯავშნა შეუძლებელია.

სადავო სიტუაციები

თუ საცხოვრებელი არ შეესაბამება განცხადებას ან მასპინძელი აღარ პასუხობს, მოგვწერეთ მხარდაჭერაში. ჩვენ შეგვიძლია დავმალოთ განცხადება და დავბლოკოთ ანგარიში, მაგრამ ვერ დავაბრუნებთ თანხას, რომელიც პლატფორმის გვერდის ავლით გადაირიცხა.